Finne data
Data.norge.no gir ei omfattande oversikt over datasett, omgrep, API-ar, informasjonsmodellar, tenester og hendingar i offentleg sektor, inkludert data med juridiske avgrensingar som teieplikt eller personopplysningar. Hensikta med denne oversikta er å gjere det lettare for deg å finne, forstå og ta i bruk data frå offentleg sektor. For å finne fram blant alle beskrivingane, tilbyr Data.norge.no ulike måtar å søkje på. Om du ikkje finn dataene du leitar etter, kan du registrere ein etterspurnad.
Søk etter data
Data.norge.no tilbyr tre forskjellige måtar å søkje etter data på: Standard tekstsøk med filtrering, kunstig intelligens-søk og SPARQL-spørjing.
1. Standard søk med filter
På data.norge.no/search-all finn du eit tekstsøk med moglegheiter for filtrering. Her kan du søkje etter titlar, beskrivingar og søkjeord i databeskivingane. For å avgrense søket ditt, kan du bruke ulike filter. Kva filter som blir tilbydd avheng av ressursstype. Du vel ressursstype ved å bruke fanene under søkjefeltet. Resultatet kan sorterast etter relevans eller publiseringsdato.
2. Søk med kunstig intelligens
3. SPARQL-spørjing
Du kan lese meir om å finne og vurdere data på Digitaliseringsdirektoratet sine sider.
Kven har ansvar for kva på data.norge.no
Datatilbydarane
Verksemdene som eig dataene som er skildra på data.norge.no har ansvar for sjølve innhaldet i beskrivingane og for at dataene du får tilgang til stemmer overeins med beskrivingane.
Om du finn noko feil med beskrivingane eller tilgangen til dataene, kan du kontakte verksemda som eig beskrivinga direkte. Kontaktinformasjon vil som regel vere knytt til beskrivinga. Om du er logga inn i Datalandsbyen, kan du òg legge igjen ein kommentar på sjølve beskrivinga på data.norge.no. Denne kommentaren vil visast både på data.norge.no og i Datalandsbyen. Slike kommentarar og påfølgjande diskusjon kan vere nyttig for andre brukarar som treng dei same dataene som deg.
Digitaliseringsdirektoratet
Digitaliseringsdirektoratet har ansvar for informasjon om når beskrivingar vart publiserte på data.norge.no, metadatakvalitet, Datajegeren, KI-oversikt, informasjonssider og at dei tekniske løysingane på data.norge.no og Datalandsbyen fungerer som dei skal. Digitaliseringsdirektoratet følgjer òg opp kommentarar i Datalandsbyen og purrar på verksemder som ikkje svarar på kommentarar knytt til beskrivingar i katalogen.