Bruksvilkår

Alle verksemder må godta bruksvilkåra før dei skal registrera data.

Registrering av personopplysningar

Felles datakatalog tilbyr katalogtenester for offentleg og privat sektor for å registrera datasett, omgrep, API og protokoll over behandlingsaktivitetar. Felles datakatalog tilbyr også publisering av registrerte katalogar i sin portal.

Personopplysningar som blir behandla ved innlogging og registrering:

For autentisering og autorisasjon av brukarar av katalogtenestene, nyttast innloggingsløysing via Felles brukarhandtering og/eller ID-porten/Altinn. Digitaliseringsdirektoratet er behandlingsansvarleg for bruk av personopplysningar i begge innloggingsløysingane.

I katalogtenestene for skildringar av datasett, omgrep, API og protokoll over behandlingsaktivitetar, tilgjengeliggjeras namn for den personen som er innlogga på vegner av verksemda. I tillegg blir det behandla namn og fødselsnummer for å identifisera vedkommande som aksepterer bruksvilkår på vegner av verksemda. Namnet blir lagra så lenge bruksvilkåra er akseptert.

Vidare blir følgjande personopplysningar behandla i protokoll over behandlingsaktivitetar: namn og kontaktopplysningar for behandlingsansvarleg(e) og personvernombod.

Behandlingsansvar

Den enkelte verksemd er sjølv behandlingsansvarleg for personopplysningar som blir registrerte i katalogane for verksemda og tilgjengeleggjering i portal, eksempelvis krav til behandlingsgrunnlag, oppdatering av opplysningar og sletting. Digitaliseringsdirektoratet er databehandlar for behandlinga av opplysningane.

Felles datakatalog nyttar skyløysing. Skyleverandør er Google Cloud. Databehandlaravtale med Google Cloud varetek krav til tryggingstiltak med omsyn til integritet, konfidensialitet og tilgjengelegheit.

Kontaktpunkt for Felles datakatalog

Dersom det er behov for kontakt rundt Felles datakatalog, kontakt: fellesdatakatalog@digdir.no

Varsel om endring av bruksvilkår

Ved behov for endring av desse bruksvilkåra, skal Digitaliseringsdirektoratet varsla om dette ein månad i forkant av endringa. Varslinga skjer ved informasjon i portalen til Felles datakatalog, og ved at brukarar med skriverettar på vegner av verksemda får slik informasjon.