Omsetjingsminne frå Semantix AS

Dette korpuset inneheld ei rekkje omsetjingsminne Nasjonalbiblioteket har overteke frå Semantix AS. Omsetjingane er utførte på vegner av offentlege kontor og institusjonar.

Korpuset er samansett av tekster med engelsk eller norsk (bokmål) originaltekst, og omsetjingar til høvesvis norsk (bokmål) eller engelsk. Det finst nokre veldig få omsetjingar til nynorsk i materialet, men desse har vorte klassifiserte som bokmål.

Det finst ei fil med omsetjingar frå engelsk til bokmål, og ei fil med omsetjingar frå bokmål til engelsk. Filene er i TMX 1.4-format (ein variant av XML). I filene er kvar omsetjingseining (TU - Translation Unit) merkt med institusjonen omsetjinga er gjort for. Ei omsetjingseining svarar i dei fleste høve til ei meiningsberande eining, typisk ei setning, ei overskrift eller liknande. Det kan òg dreie seg om enkeltord eller lengre sekvensar.

Totalt inneheld korpuset 1.325.013 omsetjingseiningar, fordelte slik:

• engelsk > bokmål: 250.053 TU
• bokmål > engelsk: 1.074.960 TU

Dokumentasjonsfila inneheld ei oversikt over kva institusjoner som er omfatta og talet på TUer for den enkelte institusjonen.