Informasjonsmodellkatalogen
Formålet med Informasjonsmodellkatalogen er å leggje til rette for effektiv bruk av data. Katalogen skal gi oversikt over alle informasjonsmodellar som er publiserte, samt kva for datatenester (API) som høyrer til modellen. Informasjonsmodellar skildrar informasjonen ei verksemd treng å produsere eller motta for å utføre ei teneste.
Ønskjer du å søkje i Informasjonsmodellkatalogen?
Finn informasjonsmodellar →Kva informasjon kan eg finne i Informasjonsmodellkatalogen?
Alle informasjonsmodellar som er publiserte i Informasjonsmodellkatalogen følgjer Spesifikasjon for beskriving av informasjonsmodellar (ModellDCAT-AP-NO).
Nedanfor er det oppgitt kva du kan få informasjon om:
- Skildring av modellen
- Bruk av modellen
- Informasjonsmodell og formata til denne
- Identifikatorar
- Andre ressursar som er knytte til informasjonsmodellen (andre datatenester)
- Kven som er ansvarleg for informasjonsmodellen
Relasjon til andre katalogar
Dei ulike datakatalogane i Felles datakatalog kan brukast kvar for seg, men fleire av dei har ein logisk samanheng, og kan difor sjåast i samanheng med kvarandre. Her er det skildra kva relasjon dei andre katalogane har med Informasjonsmodellkatalogen.
API-katalogen
Informasjonsmodellar kan ha relasjon til API i API-katalogen. Det betyr at korleis API-et er strukturert kan beskrivast med ein informasjonsmodell.
Omgrepskatalogen
Informasjonsmodellar kan ha relasjon til omgrep i Omgrepskatalogen. Eit omgrep kan bli representert ved hjelp av ein informasjonsmodell. Frå informasjonsmodell kan det også koplast til omgrep som er viktig for å forstå modellen.
Rettleiing og inspirasjon
Rettleiar for informasjonsmodellar
Rettleiaren skal hjelpe verksemdene i offentleg forvaltning med å skildre informasjonsmodellane sine i tråd med Spesifikasjonen for skildring av informasjonsmodellar (ModellDCAT-AP-NO) og gjere dei tilgjengelege i Felles datakatalog.