Omsetning, kostnader og investeringar i næringslivet (RA-0827)

SSB treng opplysningar for å lage statistikk som skildrar økonomisk aktivitet i ulike næringar.

De skal gje opplysningar samla for heile føretaket (den juridiske eininga). For føretak som har to eller fleire verksemder, skal de fordele opplysningane på dei enkelte verksemdene (undereiningane). Då får vi ei oversikt over det norske næringslivet, både på geografisk nivå og etter næring.

Viktige brukarar av statistikken er planleggjarar, aktørar i næringslivet og interesseorganisasjonar. Også i den politiske debatten og i den økonomiske politikken har han stor tyding. Ikkje minst er statistikken ein viktig del av datagrunnlaget i nasjonalrekneskapen.

Statistikken blir utarbeidd i tråd med EØS-avtalen og samanlikna med tilsvarande statistikk for heile EØS-området.