Pris på nye fleirbustader (RA-0701) - Utgåve 1

Prisindeks for nye bustader består av to separate prisindeksar: éin for nye fleirbustader og éin for nye einebustader.

Prisindeksane er viktige indikatorar for bustadprodusentar, finansinstitusjonar, styresmakter, forskings- og utdanningsinstitusjonar, byggjenæringa og andre som ønskjer å følgje prisutviklinga på nye bustader og planleggje for framtida.

Prisindeks for nye bustader blir rapportert til Eurostat i samsvar med EØS-avtalen og blir brukt til å samanlikne prisutviklinga mellom europeiske land.

SSB bruker indeksen som ein prisindikator for delar av byggje- og anleggsnæringa i nasjonalrekneskapen.