Skulenærvær

Barn i grunnskulealder har rett og plikt til opplæring, jf. oppl. § 2-1. Målet er at barnet skal ha 100 % oppmøte på skulen i samsvar med sin plan. For å sikre skule- og utdanningssituasjonen for barn i barnevernet skal institusjonane og omsorgssentra følgje opp skulegangen til barna gjennom systematisk og målretta arbeid og gjennom samarbeid med skulane.

Tiltaket skal uoppfordra rapportere om skuledeltaking til den inntakseininga som har ansvar for plasseringa. Rapporteringa skal skje for kvar månad (frå første til siste dato i ein månad) innan den 5. i påfølgjande månad.