Førebuande opplæring for vaksne (RA-0875) - Utgåve 1

Frå 1. august 2024 vart modulstrukturert førebuande opplæring for vaksne (FOV) innført. Opplæringa erstattar den tidlegare grunnskuleopplæringa for vaksne. For å få meir kunnskap om FOV, kartleggje deltakarmønster og utarbeide statistikk som belyser utdanningsløp, er det nødvendig å ha individopplysningar om deltakarane. Kunnskap om deltakarane i FOV og utdanningsløpa deira er viktig for å evaluere opplæringa på ein god måte. Individopplysningar for alle deltakarane på området gjev også høve til å utvikle statistikk og gjennomføre relevante analysar av overgangar mellom opplæring og arbeid. Statistikken er etterspurd av politikarar, forskarar og offentlege verksemder.