Sjøkartnull over ellipsoiden

Gjeldande versjon: 2025a. Nye versjonar vert publisert etterkvart som datagrunnlaget vert forbetra. Modellen gjev sjøkartnull si høgde over ellipsoiden (EUREF89) på eit regulært geografisk grid (0,005° × 0,01°) som dekkjer kystområda til fastlands-Noreg.

Sjøkartnull, som er nullnivået for djupner i sjøkart, er definert via Lågaste Astronomiske Tidvatn (LAT). I mesteparten av landet er sjøkartnull lik LAT, frå Karmsundet/Utsira til svenskegrensa er sjøkartnull 20cm under LAT, i Oslofjorden nord for Drøbaksundet er sjøkartnull 30cm under LAT.

Modellen er ein kombinasjon av modellen for Middelvatn over ellipsoiden, og modellen for Middelvatn over sjøkartnull. Kvaliteten avheng dermed av kvaliteten til dei to andre modellane.

Eit estimat av standardavviket til modellen ligg som eit eige band i GeoTIFF-fila. Velger ein bin-formatet kjem standardavviksgridet i ei eige fil.