Middel høyvann over NN2000

Gjeldande versjon: 2025a. Nye versjonar vert publisert etterkvart som datagrunnlaget vert forbetra. Modellen gjev høgda til Middel Høgvatn over NN2000 på eit regulært geografisk grid (0,005° × 0,01°) som dekkjer kystområda til fastlands-Noreg.

Middel Høgvatn er definert som gjennomsnittleg høgde på alle høgvatn over ein periode på 19 år. I dette datasettet er det brukt ei tilnærming, gitt ved Middelvatn pluss amplituden til tidvasskonstituenten M2. Modellen er ein kombinasjon av ein modell for Middelvatn over NN2000, og ein modell som gjev avstand frå Middelvatn til Middel Høgvatn, der sistnemnte er basert på harmonisk analyse av vasstandsmålingar gjort langs kysten. Medan Middelvatn varierer relativt lite med avstand, kan tidvatnet kan ha store endringar over korte avstandar, gjerne mellom smale sund med sterk straum. Nokre små områder der me ikkje har vasstandsmålingar er dermed utelatt. Kvaliteten på modellen avheng av posisjonen, og lengda og kvaliteten på vasstandsmålingane gjort i det aktuelle området.

Eit estimat av standardavviket til modellen ligg som eit eige band i GeoTIFF-fila. Velger ein bin-formatet kjem standardavviksgridet i ei eige fil.